Mae cynghorwyr craffu’n bwriadu cwrdd yn ddiweddarach ym mis Medi i drafod parcio ceir yn Abertawe. Maent wedi derbyn nodyn briffio gan Bwyllgor y Rhaglen Graffu am weithgor untro i godi pryderon a gofyn cwestiynau am ansawdd darpariaeth parcio ceir ar draws Abertawe, gan gynnwys perfformiad gwasanaethau a chynlluniau i wella.
Bydd y gweithgor yn cwrdd รข swyddogion perthnasol y cyngor. Dyma rai o gwestiynau y mae’r gweithgor yn bwriadu eu gofyn:
- Faint mae’r ddarpariaeth gwasanaeth parcio ceir yn ei gostio yn Abertawe?
- Beth yw’r incwm a geir o’r gwasanaeth hwn?
- A oes digon o ddarpariaeth parcio ceir?
- A yw’r ddarpariaeth parcio ceir o safon?
- Pa mor dda mae’r gwasanaeth yn perfformio gan gynnwys pa mor dda rydym yn perfformio o’i gymharu ag ardaloedd eraill yr awdurdod lleol?
- Beth yw’r cynlluniau ar gyfer gwella parcio ceir yn Abertawe?
Os hoffech gael mwy o wybodaeth am y gweithgor hwn neu am graffu yn Abertawe yn gyffredinol, gallwch e-bostio scrutiny@swansea.gov.uk
Leave a Comment