Mae cynnwys y cyhoedd yn chwarae rhan hanfodol wrth wneud penderfyniadau. Mae’n gwneud i’r cyhoedd deimlo wedi’i rymuso y gall chwarae rôl allweddol wrth ddylanwadu ar benderfyniadau. Mae cynifer o ffyrdd o gynnwys y cyhoedd. Mae’n bwysig i ni ddysgu trwy gynnwys y cyhoedd yn llwyddiannus fel y gellir trosglwyddo arfer da.
Roedd Panel Ymchwilio Craffu Cynnwys y Cyhoedd eisiau clywed am enghreifftiau o arfer da cynnwys y cyhoedd yn fewnol ac yn allanol.
Mae cynghorau Cymru wedi gwneud llawer o waith cynnwys y cyhoedd, felly roedd yn anodd gwybod lle i ddechrau.
Dyma’r rhai roedden ni’n meddwl y dylech chi gael cip arnyn nhw:
1) Cyngor Sir Ddinbych, Cynnwys Cymuned Parc Cae Ddol – Cyllidebu Cyfranogol Cafodd cymuned ei chynnwys wrth benderfynu sut mae gwario arian yn yr ardal. Arweiniodd hyn at gyfleuster newydd yn y parc i’r plant ac roedd y preswylwyr yn teimlo wedi’u grymuso a’u cynnwys yn fwy wrth wneud y penderfyniad.
2) Cyngor Sir Gâr, Her Gymunedol Sir Gâr – Ymarferion ymgynghori mewn cymuned fach Ymgymerodd y cyngor ag ymarfer ymgynghori a chynnwys dwys mewn cymuned fach i weld sut gallai cynnwys effeithiol greu newidiadau i ymwybyddiaeth ac ymddygiad cyhoeddus mewn ffordd sy’n lleihau ei ôl troed carbon.
3) Cyngor Bwrdeistref Sirol Rhondda Cynon Taf, Mynd i’r Afael â Cham-drin yn y Cartref – Dull Brigâd Kafka Cafodd Brigâd Kafka ei chynnwys gan Fwrdd Gwasanaethau Lleol Rhondda Cynon Taf i adolygu ymatebion y gwasanaeth i gam-drin yn y cartref.
4) Bwrdd Diogelu Plant Abertawe – Daeth aelodau Bwrdd Diogelu Plant Abertawe a phobl ifanc at ei gilydd i ddatblygu a thrafod blaenoriaethau’r bwrdd. Roedd yr wybodaeth a gasglwyd yn nodi blaenoriaethau’r bwrdd ar gyfer 2013.
5) Fforwm Magu Plant Corfforaethol Abertawe – Sesiynau Herio Mae’r Fforwm Magu Plant Corfforaethol ac aelodau Fforwm Fe Fi a grwpiau eraill o blant sy’n derbyn gofal yn gweithio gyda’i gilydd yn ystod y sesiynau hyn ar fater neu faes pwnc penodol. Mae’r sesiynau hyn yn amlygu’r meysydd y mae angen eu gwella.
6) Tîm Cyfranogiad Plant a Phobl Ifanc – Y Sgwrs Fawr Roedd y prosiect hwn ynghylch darparu mannau diogel ond anffurfiol i bobl ifanc 11-25 oed ddod ynghyd ac archwilio’r hyn sydd o bwys iddyn nhw a’u cefnogi i leisio materion i benderfynwyr priodol a pherthnasol i lywio newid.
7) Tîm Craffu Abertawe – Adolygu’r Strategaeth Feicio Diben yr adolygiad oedd datblygu a hyrwyddo beicio yn Abertawe fel ffordd amgylcheddol ac iach o deithio at ddibenion cludiant a hamdden. Defnyddiwyd nifer o ddulliau i gasglu gwybodaeth ar gyfer yr adolygiad hwn a arweiniodd at nifer o welliannau.
Mae’r saith enghraifft hyn yn rhoi blas o’r amrywiaeth eang o gynnwys y cyhoedd sy’n cael ei wneud yng Nghymru.
Bydd y panel yn defnyddio’r wybodaeth hon yn ei ymchwiliad i gynnwys y cyhoedd sy’n cael ei wneud ar hyn o bryd. Mwy o wybodaeth yn y man am yr ymchwiliad hwn.
Cydnabyddiaeth llun: http://www.flickr.com/photos/31209984@N06/6236367067
Leave a Comment