Bydd Panel Craffu’r Bwrdd Gwasanaethau Lleol yn cyfarfod eto ddydd Llun nesaf (22 Medi am 11am yn Ystafell Bwyllgor 3, Canolfan Ddinesig). Mae’r panel yn cyfarfod ag aelodau Gr?p Gweithredol y Bwrdd Gwasanaethau Lleol (BGLl). Mae’r gr?p hwn yn cynrychioli partneriaid statudol allweddol y BGLl ac yn ymgymryd â gwaith manwl ar ran y BGLl ehangach. Mae’r aelodau a fydd yn bresennol yn cynnwys cynrychiolwyr o’r heddlu, Llywodraeth Cymru a Chyngor Gwasanaeth Gwirfoddol Abertawe.
Diben y drafodaeth yw datblygu dealltwriaeth y panel o waith y BGLl ymhellach a bydd yn canolbwyntio’n benodol ar y canlynol:
- dealltwriaeth o rôl pob sefydliad wrth gyflawni blaenoriaethau’r BGLl
- dysgu am lwyddiannau allweddol
- dysgu am heriau allweddol
- chwilio am syniadau ar gyfer eitemau posibl i’w cynnwys yng nghynllun gwaith y panel
Mae croeso i aelodau’r cyhoedd ddod i’r cyfarfod hwn. Os ydych yn bwriadu dod, ffoniwch y Tîm Craffu ar 01792 636292.
Leave a Comment