Bydd Dirprwy Arweinydd y Cyngor ac Aelod y Cabinet dros Wasanaethau Plant a Phobl Ifanc, y Cynghorydd Christine Richards, yn ymddangos gerbron Pwyllgor y Rhaglen Graffu ar 22 Rhagfyr am sesiwn holi ac ateb. Mae’r pwyllgor yn croesawu’ch syniadau ar gyfer cwestiynau.
Mae portffolio Gwasanaethau Plant a Phobl Ifanc y Cynghorydd Richards yn cynnwys y meysydd cyfrifoldeb canlynol:
- Gwasanaethau Plant a Theuluoedd
- Chwarae
- Gwasanaethau Ieuenctid a Hyrwyddo Cynhwysiad Ieuenctid
- Ymyrryd ac Atal Cynnar
- Gwasanaeth Troseddau Ieuenctid
- Dinasyddiaeth Ieuenctid
- Cyfleoedd i Bobl Ifanc
- Hyrwyddwr Confensiwn y CU ar Hawliau’r Plentyn (CCUHP)
- NEET (cyswllt ag addysg)
- Gwasanaeth Mabwysiadu Rhanbarthol
- Bwrdd Plant a Phobl Ifanc
- Continwwm Gofal
- Strategaeth Lleihau mewn Modd Diogel ar gyfer Plant sy’n Derbyn Gofal
- Dechrau’n Deg
- Elfennau Arweiniol Abertawe Gynaliadwy
Bydd y pwyllgor yn archwilio’r gwaith y mae wedi’i wneud yn y rôl hon, gan ystyried blaenoriaethau, camau gweithredu, cyflawniadau ac effaith.
Oes rhywbeth rydych chi’n meddwl y dylai’r pwyllgor ei ofyn iddi? Bydd y pwyllgor yn ystyried unrhyw awgrymiadau a dderbynnir cyn 22 Rhagfyr wrth lunio’i strategaeth holi a gofynnir y rhai allweddol i’r Cynghorydd Richards.
Anfonwch eich syniadau atom trwy wneud sylw ar y blog hwn, trwy e-bostio scrutiny@swansea.gov.uk neu drydar @craffuabertawe.
Cynhelir cyfarfod y pwyllgor ddydd Llun 22 Rhagfyr am 4.30pm yn Ystafell Bwyllgor 1 yn y Ganolfan Ddinesig, Abertawe ac mae croeso i aelodau’r cyhoedd ddod iddo.
Caiff crynodeb o bob sesiwn, gan gynnwys cwestiynau’r cyhoedd sy’n cael eu holi, a barn y pwyllgor, eu cynnwys mewn llythyr at yr aelod cabinet perthnasol. Caiff y ddau lythyr hyn a’r ymatebion gan Aelodau’r Cabinet eu cyhoeddi mewn agendâu Pwyllgor y Rhaglen Graffu yn y dyfodol.
Mae hyn yn rhan o gyfres o Sesiynau Holi Aelod y Cabinet a gynhelir yn ystod y flwyddyn. Mae’r pwyllgor yn cwrdd bob 4 wythnos.
Amserlen ar gyfer sesiynau’r dyfodol:
Pwyllgor | Aelod(au) Cabinet |
19 Ionawr 2015 |
|
16 Chwefror 2015 |
|
16 Mawrth 2015 |
|
13 Ebrill 2015 |
|
Llun: Dinas a Sir Abertawe
Leave a Comment