Os oes angen gwybodaeth bellach arnoch mewn perthynas â’r blog hwn neu unrhyw fformatau amgen e.e. Print bras etc. ffoniwch 01792 637732 neu e-bostiwch craffu@abertawe.gov.uk
Mae Cynghorwyr Craffu’r Panel Gwella Gwasanaethau a Chyllid wedi trafod Adroddiad Monitro Cyllideb Ch1 2021/22 â’r Prif Swyddog Cyllid.
Clywodd y Panel, er ei fod yn rhy gynnar i ragweld yn hyderus yr amrywiadau terfynol ar wariant y Gyfarwyddiaeth, roedd swyddogion yn teimlo, oherwydd effaith barhaus COVID-19 a sefyllfa derfynol 2020/21, y bydd diffyg o oddeutu £2 filiwn yn 2021-22.
Mae Cyngor Abertawe’n nodi cynlluniau yn ‘Rhaglen Trawsnewid Gwasanaethau’r Cynllun Adfer’ a fydd yn gweld gwasanaethau ar gyfer cymunedau’n cael eu trawsnewid i wynebu heriau cyfnod wedi COVID-19. Clywodd y Panel fod gwaith yn parhau yn y maes hwn i ddatblygu cynlluniau darparu gwasanaethau sy’n gysylltiedig â thargedau arbedion a blaenoriaethu gwasanaethau.
Clywodd y Panel fod £4.8 miliwn wedi’i dderbyn hyd yn hyn oddi wrth Lywodraeth Cymru mewn perthynas â chostau ychwanegol a/neu golli incwm.
Esboniodd swyddogion fod effaith economaidd pandemig COVID ar gyfraddau casglu rhent yn cael ei monitro’n agos.
O ran casglu Treth y Cyngor, holodd aelodau’r Panel a fydd Llywodraeth Cymru’n bodloni’r diffyg o £2 filiwn yr adroddwyd amdano. Cydnabu swyddogion fod hyn yn fater parhaus, o ystyried y straen ar bobl a’u harian, a chadarnhawyd bod Llywodraeth Cymru’n parhau i fonitro’r mater.
Trafodwyd y cynnydd mewn cyfraniadau Yswiriant Gwladol hefyd, gydag aelodau’r Panel yn holi pam yr oedd hyn, mewn termau go iawn, yn costio mwy na’r cynnydd o 1.25%. Esboniodd swyddogion ei fod mewn gwirionedd yn gynnydd o 10% (1% ar dreth o 10%)
Gofynnodd y Panel am ddatganiad ynghylch y cynnydd mewn prisiau ynni, a’r effaith ar Gyngor Abertawe. Mae swyddogion wedi darparu nodyn briffio, sydd wedi’i gyhoeddi ar wefan y cyngor ac y gellir ei weld yma.
I gael y diweddaraf am y Panel hwn, tanysgrifiwch i’n cylchlythyr yma.
Leave a Comment