Mae anweithgarwch economaidd yn bryder mawr, yn lleol, yn rhanbarthol ac yn genedlaethol. Dyma fater lle na cheir atebion hawdd. Os yw’r Cyngor a’i bartneriaid i wneud gwahaniaeth, bydd angen dod o hyd i ddulliau newydd a ffyrdd newydd o gydweithio. Oherwydd y rhesymau hyn mae gr?p o gynghorwyr yn Abertawe wedi cynnal ymchwiliad manwl i’r pwnc heriol hwn. Un o’u prif gasgliadau yw bod angen gwneud mwy i helpu i godi gobeithion pobl ifanc cyn iddynt ddod i’r farchnad swyddi.
Yn ystod y chwe mis diwethaf mae Panel Ymchwiliad Craffu wedi edrych ar y materion sy’n ymwneud â hyn mewn mwy o fanylder ac maent wedi cyfweld â gweithwyr proffesiynol o nifer o asiantaethau, yn ogystal â defnyddwyr gwasanaeth, er mwyn deall y sefyllfa’n well ac i glywed eu pryderon. Mae’r adroddiad a gynhyrchwyd gan y Panel Ymchwiliad Craffu ‘Di-waith, nid Diwerth’ yn rhoi nifer o argymhellion, sy’n amlinellu’r hyn y mae’r Panel yn ei gredu y gall y Cyngor a’i bartneriaid ei wneud i leihau anweithgarwch economaidd.
Un o’r syniadau a oedd yn deillio o’r ymchwiliad oedd y dylid hyrwyddo addysg uwch a phellach ar oed iau mewn ysgol, fel bod plant yn dysgu o oed cynnar bod addysg i bawb, gan eu cynnwys nhw. Gobeithir wrth feithrin y wybodaeth bod llwyddiant o fewn cyrraedd pawb ac annog addysg y tu hwnt i fur yr ysgol, yn ogystal â hyrwyddo entrepreneuriaeth ymhlith pobl ifanc, bydd llawer o bobl ifanc, sy’n ddi-waith ar hyn o bryd, neu mewn cyflogaeth nad yw’n talu llawer, yn ennill gyrfaoedd boddhaol a chwarae rhan bwysig mewn cymdeithas yn y dyfodol.
Roedd y Panel yn teimlo y byddai o fudd i blant ysgol pe byddai cynrychiolwyr o brifysgolion a cholegau’n mynychu ysgolion i siarad â phlant am addysg bellach ac uwch ac, yn fwy pwysig, eu bod yn eu hysbysu fel eu bod yn sylweddoli nad yw addysg bellach ac addysg uwch y tu hwnt i’w gafael ac y gallant ymgeisio i gyrraedd y fan hon pan fyddant yn gadael yr ysgol. Hefyd, roedd y Panel yn teimlo y dylid annog gwell cyfathrebu rhwng ysgolion, colegau a phrifysgolion.
Mae rhai o’r cynigion eraill yn yr adroddiad yn cynnwys:
- Ehangu cynlluniau prentisiaeth y tu hwnt i’r traddodiadol, gan gynnwys mewn swyddfeydd ac annog cyflogwyr lleol.
- Gwella mynediad at gyfleoedd cyflogaeth i’r anabl a darparu gwell cefnogaeth a gwasanaethau ar gyfer y gr?p di-waith cenhedlaeth a hir dymor
- Darparu cymhelliannau a chefnogaeth gynyddol i fusnesau mewn perthynas â materion recriwtio a chyflogaeth;
- ‘Un Pwynt Mynediad’ mewn perthynas â chyfleoedd cyflogaeth, fel bod gan pob gr?p fynediad cyfartal i swyddi/hyfforddiant a phrentisiaethau sydd ar gael.
- Mentrau gyda phobl ifanc yr ystyrir eu bod mewn perygl o fod yn NEET (Nid mewn Addysg, Cyflogaeth, na Hyfforddiant) o oed cynharach.
- Digwyddiadau entrepreneuriaeth rheolaidd i annog pobl ifanc.
Mae’r Cyngor yn gobeithio mynd i’r afael ag anweithgarwch economaidd gyda help ei bartneriaid. Bydd y Cyngor yn monitro ei gynigion ac adrodd yn ôl am ei gasgliadau yn y dyfodol, felly ‘cadwch lygad am yr wybodaeth ddiweddaraf’.
Gellir cael mynediad i’r adroddiad hwn yn Llyfrgell Craffu Abertawe (www.abertawe.gov.uk/scrutinylibrary)
Credyd ffotograffau:http://flic.kr/p/5qpN2Q
Leave a Comment