Mae’r Panel Ymchwiliad Craffu ar Dai Fforddiadwy’n cwrdd ddydd Mercher i asesu effaith eu hadroddiad ar dai fforddiadwy, a gynhaliwyd yn 2013. Edrychodd yr ymchwiliad ar ffyrdd y gallai’r cyngor a’i bartneriaid gynyddu’r cyflenwad cyffredinol o dai fforddiadwy yn Abertawe.
Gallwch lawrlwytho copi o’r adroddiad llawn yn ein llyfrgell adroddiadau craffu.
Bydd y panel yn cwrdd â’r Cynghorydd David Hopkins, Aelod y Cabinet dros Dai a Chymunedau gan ofyn y cwestiynau canlynol:
- Beth sydd wedi newid ers i’r adroddiad gael ei gyflwyno i’r cabinet?
- A yw’r argymhellion y cytunwyd arnynt wedi cael eu gweithredu?
- Beth fu effaith yr ymchwiliad craffu?
Cynhelir y cyfarfod ddydd Mercher 3 Rhagfyr am 5pm yn Ystafell Gyfarfod y Siambr, Canolfan Ddinesig. Mae croeso i aelodau’r cyhoedd ddod i’r cyfarfod. Ffoniwch y tîm craffu ar 01792 636292 neu e-bostiwch scrutiny@swansea.gov.uk os hoffech ddod.
Leave a Comment