Bydd y Panel Craffu ar Berfformiad Ysgolion yn cwrdd ar 14 Gorffennaf i drafod cynllun busnes Ein Rhanbarth ar Waith (ERW) ar gyfer 2016-2019 gyda Phrif Weithredwr y corff rhanbarthol.
Mae’r Cynllun Busnes yn amlinellu gweledigaeth am welliant y rhanbarth, y mae Abertawe’n rhan ohono, sef,
“rhwydwaith o ysgolion sy’n perfformio’n gyson uchel ar draws y rhanbarth gyda phob ysgol yn dda ac yn cynnig safonau addysgu uchel dan arweinyddiaeth dda gyda’r holl ddysgwyr yn cyrraedd eu llawn botensial”.
Er mwyn cyflawni’r weledigaeth hon, bydd y rhanbarth yn cynyddu nifer y lleoedd mewn ysgolion drwy gefnogaeth, her ac ymyriad er mwyn iddynt ddod yn sefydliadau cadarn sy’n hunan-wella ac sy’n parhau i wella deilliannau i bob dysgwr.
Mae strategaeth ERW yn nodi’r disgwyliadau a’r heriau canlynol:
- sicrhau perfformiad effeithiol ym mhob ysgol
- herio perfformiad ysgolion yn gadarn ac yn gyson yngh?d â’r deilliannau i bob un o’u dysgwyr
- rhoi system wahaniaethol o gefnogaeth broffesiynol i ysgolion ar waith sy’n gymesur â’r angen a nodwyd drwy fframwaith categoreiddio y cytunwyd arno’n genedlaethol
- cefnogi strategaethau i ddatblygu sgiliau llythrennedd a rhifedd dysgwyr
- gwella deilliannau dysgwyr sydd dan anfantais
- hwyluso cefnogaeth ysgol i ysgol effeithiol er mwyn gwella perfformiad a deilliannau
- rheoli a defnyddio ymgynghorwyr herio sydd wedi’u hyfforddi’n dda i herio perfformiad a threfnu cefnogaeth bwrpasol
Os hoffech fwy o wybodaeth am y cyfarfod hwn neu am graffu’n gyffredinol gallwch weld ein tudalennau we yn www.abertawe.gov.uk/craffu neu e-bostiwch ni yn scrutiny@swansea.gov.uk
llun gan www.thewhocarestrust.org.uk
Leave a Comment