Grwp Craffu ERW i gwrdd ym mis Medi

Bydd Cynghorwyr Craffu o’r chwe awdurdod lleol yn cwrdd 23/09/2019. Pwrpas y grwp yw helpu i sicrhau’r canlyniadau addysgol gorau i blant yn y Rhanbarth trwy gefnogi craffu effeithiol i

1. gefnogi craffu cyson ar draws y chwe chyngor
2. rhannu arfer da o ran craffu
3. annog ymagweddau craffu a rennir ac osgoi dyblygu gwaith craffu
4. rhoi her feirniadol a gwrthrychol i ERW ar bynciau o ddiddordeb yn ôl y galw
5. cyfrannu i lywodraethu ERW mewn modd da ac effeithiol

Ar 23/09/2019, bydd cynghorwyr yn

• Siarad â Phrif Weithredwr Arweiniol ERW am y cynnydd o ran y rhaglen ddiwygio, y strwythur llywodraethu sy’n dod i’r amlwg ynghyd â’r cynnydd a wneir wrth gyflwyno’r cwricwlwm newydd 
• Sesiwn holi ac ateb gydag Arweinydd Systemau Digidol a Dysgu ERW
• Sesiwn holi ac ateb gydag Arweinydd Iechyd a Lles ERW

Bydd copi o’r Agenda ar gael ar wefan ERW bythefnos cyn y cyfarfod.