Mae Pwyllgor y Rhaglen Graffu yn parhau i ddal Bwrdd Gwasanaethau Cyhoeddus Abertawe i gyfrif drwy fonitro a herio ei berfformiad a’r gwahaniaeth y mae’n ei wneud i ddinasyddion.
Yn ei gyfarfod ym mis Mehefin, clywodd y Pwyllgor gan Wasanaeth Tân ac Achub Canolbarth a Gorllewin Cymru a Cyfoeth Naturiol Cymru fel dau o bedwar aelod statudol y Bwrdd, am eu rôl, eu cyfrifoldebau a’u cynnydd o ran cyflawni amcanion lles penodol y BGC y maent yn arwain arnynt.
Roedd y trafodaethau a gafwyd yn canolbwyntio ar y canlynol:
- Effaith neu werth y BGC:
- Materion sy’n ymwneud â llywodraethu’r BGC, diffyg adnoddau a chyllid
- Datblygu Dangosyddion Perfformiad ar gyfer y BGC a gweld cynlluniau gweithredu i helpu i fonitro a mesur cynnydd
- Effaith pandemig COVID-19 ar waith y BGC a chyllid
Bydd y Cynghorydd Peter Black, Cadeirydd y BGC, yn ysgrifennu at Gyd-gadeiryddion y BGC i fyfyrio ar y trafodaethau a gynhaliwyd a rhannu barn y Pwyllgor ar y cynnydd a wnaed.
Mae BGC Abertawe yn bartneriaeth o asiantaethau gwasanaethau cyhoeddus sy’n gweithio gyda’i gilydd i wella gwasanaethau lleol. Pedwar aelod statudol y Bwrdd yw Bwrdd Iechyd Prifysgol Bae Abertawe, Cyfoeth Naturiol Cymru, y Gwasanaeth Tân ac Achub a Chyngor Abertawe.
Mae’r Bwrdd hefyd yn cynnwys sefydliadau eraill sydd â diddordeb yn lles yr ardal, er enghraifft yr heddlu a’r prifysgolion.
Mae’n ofynnol i bob Bwrdd Gwasanaethau Cyhoeddus gynnal Asesiad o Les er mwyn deall lefelau lles presennol a’r hyn sy’n bwysig i’r rhan fwyaf o gymunedau lleol, a llunio Cynllun Lles Lleol er mwyn gwella lles.
Mae gan y BGC ddyletswydd statudol i ddal Bwrdd Gwasanaethau Cyhoeddus Abertawe i gyfrif.
Leave a Comment